|
Dalebüd Cifala de 2015, Prilul 25, Nüm: 1
Söl: Daniel Morosof, Yekaterinburg, Rusän, pemotöl ün 1984, estetom
oki vilöfiki ad lovesumön cali vicifala Volapükanefa.
- Binom niveran yunik e sevan süperik Volapüka e jenotema onik.
- Enotükom tradutodi Rusänapükik dilas veütik ela Gramat Volapüka fa el Arie de Jong. Id enotükom yegedis anik dö Volapük rigik e nutimik Volapüki e Rusänapüki gebölo.
- Binom ziliko jäfädik gönü Volapük in sogädaresods, as sams: Facebook, Yahoo Groups e VKontakte.
Pekomandom kadäme Volapüka, e baicediko pezepom as vicifal.
Me atos söl: Daniel Morosof pacälom as VICIFAL SOGA BEVÜNETIK VOLAPÜKA. Dubo i vedom bal limanas löpikün KADÄMA VOLAPÜKA ma § 5.1 statudas Volapükanefa.
2014, prilul, 25
Cifal: Hermann Philipps
Zänabür Volapükanefa
D-53173 Bonn - Bad Godesberg
Beethovenallee 61
Deutän
|